მიმდინარე წლის ბოლო გაზეთი ეძღვნება ქუთაისისა და ნიუპორტის რაგბის კავშირის ისტორიას, რომელიც 1998 წელს დაიწყო და წარმატებულად გაგრძელდა 2017 წელს. 1998 წელს ნიუპორტ ქუთაისის დაძმობილებული ქალაქების ასოციაციის მიწვევით პირველი რაგბის დელეგაცია ესტუმრა ნიუპორტს. ამ ვიზიტის პროგრამამ, რომელიც არაჩვეულებრივად იყო დაგეგმილი როზმარი ბატლერის მიერ, საშუალება მისცა ქუთაისის რაგბის წარმომადგენლებს ბათლომე ხამაშურიძესა და დიმიტრი ფულარიას შეხვედროდნენ უელსის რაგბის ოფიციალურ წარმომადგენლებს, რომელთაც სიამოვნებით გაუზიარეს თავიანთი გამოცდილება მათ. მათ ასევე ნიუპორტსა და კარდიფში მოინახულეს სპორტული ცენტრები, რათა გაცნობოდნენ მათი მუშაობის პროცესს. ნიუპორტის ასოციაციამ დაასაჩუქრა სტუმრები რაგბის ფორმების კომპლექტებითა და ბურთებით.

მიუხედავად იმისა, რომ ზუსტად არ შეგვიძლია გავიხსენოთ ამ ძალიან საინტერესო ვიზიტის ყველა დეტალი, მაინც აბსოლუტურად ნათელია, რომ ეს დაეხმარა ქუთაისის რაგბის გუნდს გამხდარიყო ერთ-ერთი საუკეთესო საქართველოში. ბევრი ჩვენთაგანი გატაცებულია რაგბით და გვიხარია, რომ ეს სპორტი წარმატებულად ვითარდება საქართველოში და უკვე გახდა საერთაშორისო რაგბის წევრი.

2015 წლის ივნისში ჩვენ არ გავუშვით შესაძლებლობა გვენახა მეგობრული მატჩი უელსისა და საქართველოს ნაკრებებს შორის. დამა როზმარი ბატლერი, დერეკ ბატლერი და უელსის რაგბის კავშირის პრეზიდენტი დენის გეთინი, რომლებიც საქართველოში იყოფებოდნენ ამ დროს, გამოთქვეს აზრი, რომ ქუთაისისა და ნიუპორტის რაგბის კლუბებს შორის კავშირი აღდგენილიყო. მოგვიანებით, მათ გადამწყვეტი როლი შეასრულეს ამ იდეის განხორციელების საშუალებათა ძიებაში და დაეხმარნენ ქუთაისის რაგბის წარმომადგენლებს ნიუპორტში ვიზიტის ორგანიზებაში, რომელიც მიმდინარე წლის ნოემბერში განხორციელდა. ვიზიტმა ძალიან კარგად ჩაიარა და გვიჩვენა რომ ეს კავშირი შესაძლოა წარმატებით განვითარდეს და სასარგებლო იყოს ორივე რაგბის კლუბისათვის. მადლობას ვუხდით ყველას, ვინც ეს ვიზიტი ასე წარმატებული გახადა.

მეტ ინფორმაციას ამ ვიზიტის შესახებ ჩვენს გაზეთში მიიღებთ.

ჩვენ, როგორც რაგბის, ქუთაისისა და ნიუპორტის ერთ-ერთი მაკავშირებელი სფეროს წარმომადგენლები, მიგვიწვიეს ნიუპორტში 18 ნოემბერს უელსსა და საქართველოს შორის კარდიფში გამართულ მატჩზე დასასწრებად. 16 ნოემბერს საღამოს ჩავფრინდით ლონდონში (ლუტონში), სადაც გულთბილი დახვედრის შემდეგ ნიუპორტის რაგბის კლუბის (რფკ) წარმომადგენლებმა ჯონ ბარეტმა და ფილ როჯერსმა დაგვაბინავეს სასტუმროში. მეორე დილით ჩვენმა მასპინძლებმა და ნრფკ-ის კიდევ ორმა წევრმა გრემ სალიმ და სტივ ბენეტმა წაგვიყვანეს კარლეონში(კლეონ), სადაც დავათვალიერეთ რომაული ამფითეატრი, რომაული აბანოები და ამ საინტერესო ქალაქის სხვა ისტორიული ღირსშესანიშნაობები. საღამოს ფილ როჯერსმა და დენის ბენეტმა წაგვიყვანეს როდნეი პარადეს სახელობის სტადიონზე ნიუპორტ დრაგონზის და სვინზის სკარლეტსის მატჩზე და მატჩის წინა მიღებაზე წარუდგინეს ჩვენი თავი დამსწრე საზოგადოებას.

18 ნოემბერს დილიდანვე სადილის შემდეგ მასპინძლებთან ერთად გავემგზავრეთ მატარებლით კარდიფში და დავესწარით უელს-საქართველოს მატჩს, რომელსაც ასე მოუთმენად ველოდით. თამაშის დაწყებამდე და თამაშის შემდეგ ბრაიან ჯონსის, ნიუპორტული და უელსური რაგბის ლეგენდის მეოხებით გვიმასპინძლეს პრიციპალიტი (მილენიუმ) სტადიონის ნაკრების ყოფილ წევრთა დარბაზში, რამაც დიდი შთაბეჭდილება მოახდინა ჩვენზე. გავეცანით უელსური რაგბის სამუზეუმო ექსპონატებს და შევხვდით ბევრ ლეგენდარულ მოთამაშეს.

კვირას 19 ნოემბერს დავესწარით ნიუპორტისა და „ებბ ვეილ“-ის მატჩს, სადაც უფრო ახლოს გავიცანით ბრაიან ჯონსი და მის მეუღლე. 20 ნოემბერს კარდიფში მარტინ დევისის მეგზურობით დავათვალიერეთ მილენიუმ სტადიონი სრულყოფილად, ყველა დარბაზით და გასახდელით, დავაკვირდით მოედნის მოვლის პროცესს. ეს იყო განუმეორებელი ემოცია და დაუვიწყარი შთაბეჭდილება. შემდეგ გავემგზავრეთ უელსის ნაკრების საწვრთნელ ბაზაზე და დავათვალიერეთ საწვრთნელი ბაზა.

21 ნოემბერს ნიუპორტის მერიაში მოგვიწყვეს შეხვედრა მერთან, რომელმაც გაგვაცნო მერიის მუშაობის ზოგადი პრინციპები და დაგვათვალიერებინა მერია. შეხვედრის შემდეგ გაგვიმართეს სადილი ნიუპორტ-ქუთაისის საზოგადოების წევრებთან ერთად, რაც ძალიან სასიამოვნო და საინტერესო იყო. საღამოს დავესწარით რფკ-ის ვარჯიშს ნიუპორტ სარასენსის კლუბის მოედანზე.

22 ნოემბერს დავესწარით წმ. ჯულიანის სკოლის 18 წლამდელთა გუნდის მატჩს მათთავე თანატოლებთან, სადაც გავიცანით მათი მწვრთნელი 42 სანაკრებო კეპის მფლობელი როდ სიდოლი, რომელმაც გაგვაცნო უელსში მოზარდთა სელექციის და მომზადების თავისებურებანი, რაც ძალიან სასარგებლო იყო ჩვენთვის.

საღამოს გაიმართა დასკვნითი შეხვედრა ნიუპორტის რფკ-ის წარმომადგენლებთან, სადაც შევხვდით ასევე ნიუპორტული, უელსური და საერთოდ ბრიტანული რაგბის ლეგენდას, ბრითიშ ლაიონზის ყოფილ კაპიტანს ბრაიან პრაისს. გულთბილი შეხვედრის ბოლოს მათ გადმოგვცეს სამახსოვრო საჩუქრები კლუბის სიმბოლიკით. ჩვენ გადავეცით დავით ნემსაძის ძმის, გიორგის სათამაშო კვართი, რომლითაც მან ითამაშა 18 ნოემბერს უელსის წინააღმდეგ, რამაც ძალიან ასიამოვნა ჩვენი მასპინძლები. შეხვედრას ესწრებოდნენ დამა როზმარი და დერეკ ბატლერები, რომელთა ოჯახშიც ორი დღით ადრე ძალიან სასიამოვნო საღამო გავატარეთ ცოლ-ქმარ მაქს და ჯენი პერკინსებთან ერთად.

23 ნოემბერს ჯონ ბარეტმა და გრემ სალიმ სასტუმროდან მიგვაცილეს ავტობუსამდე, რითიც გავემგზავრეთ ლაუტონში. ის კვირა, რომელიც ჩვენ ნიუორტში გავატარეთ, დატვირთული იყო უამრავი დადებითი ემოციით და სიხარულით. მივიღეთ ჩვენთვის საინტერესო და სასარგებლო ინფორმაცია უელსში რაგბის შესახებ, რაც ძალიან დაგვეხმარება ქუთაისში რაგბის განვითარებაში. ყველაზე შთამბეჭდავი კი იყო ჩვენი მასპინძლების და ყველა იქ დამხვედრის გულთბილი და ყურადღებიანი დამოკიდებულება ჩვენს მიმართ. ჩვენი ვიზიტი იმედია გამოიღებს შედეგს და ჩამოყალიბდება ურთიერთობა ჩვენ ორ კლუბს ნრფკ-სა და აია-ს შორის, რაც სასარგებლო იქნება ორივე გუნდისთვის. დიდ მადლობას ვუხდით ამ ბრწყინვალე ვიზიტის ყველა ორგანიზატორს.

დღეს დილით, ნიუპორტში ერთკვირიანი სტუმრობის შემდეგ, რაგბის ადგილობრივი კლუბი დაემშვიდობა ჩვენს ორ ქართველ სტუმარს ქუთაისის რაგბის კლუბიდან „აია“. გასულ კვირას, დიმიტრი ფულარია (სარაგბო სკოლა „აია“-ს მენეჯერი), რომელიც 19 წლის წინაც სტუმრობდა ნიუპორტს, და დავით ნემსაძე (კლუბ „აია’’-ს ფიზმომზადების მწვრთნელი) ეწვივნენ უელსის სტადიონ „პრინსიპალიტსა“ და ბრწყინვალების ცენტრს ქალაქ ვალეში, დაესწრნენ ნიუპორტისა და ვალეს მატჩს, რომელიც მასპინძლების დამარცხებით დასრულდა. ვიზიტის ფარგლებში მათ მონაწილეობა მიიღეს ტრენინგებში და თვალი მიადევნეს არამხოლოდ სასკოლო, არამედ რეგიონალურ მატჩებსაც.

ვიზიტის კულმინაციას საქართველო-უელსის დაპირისპირება წარმოადგენდა, რომელიც გასულ შაბათს კარდიფში გაიმართა. საქართველოს ნაკრების ღირსებას დავით ნემსაძის ძმა, გიორგი ნემსაძე იცავდა. სწორედ, მისი მაისური უსახსოვრეს ნიუპორტის, მთლიანად უელსისა და „ლომების“ ლეგენდას ბრაიან პრაისს კლუბის სახელით.

საყოველთაოდ ცნობილი ნიუპორტის კლუბი მოხარულია ქუთაისის კლუბთან „აია“ კავშირის დამყარებით. იმედია, ნიუპორტის რაგბის კლუბი ახლო მომავალში შეძლებს ესტუმროს ქუთაისს.